Telugu Whatsapp Status

తల్లి గర్భంలో ఉన్నప్పుడు నుంచే మనకి అవలింతలు మొదలౌతాయి. మన జీవితం లో కొన్ని వేల సార్లు ఆవలించడం జరుగుతుంది. మనుషులం మాత్రమే కాదు, జంతువులు కూడా అవలిస్తుంటాయి. మనకి ఒత్తిడిలో ఉన్నా,అలసటగా ఉన్నా, సరిగా నిద్ర లేకపోయినా ఆవలింతలు వస్తూ ఉంటాయి.మన మెదడు మీద ఎక్కువ వొత్తిడి కలిగినప్పుడు మనం ఆవలిస్తూ ఉంటాం.అప్పుడు ఎక్కువ మొత్తం లో చల్లటి గాలిని పీల్చుకుంటాం. మెదడును చల్లబరిచేందుకు, ఉత్తేజాన్ని ఇచ్చేందుకు అది దోహదం చేస్తుంది. ఆవలింత అనేది ఒకరి నుంచి మరొకరికి సులభంగా పాకుతుంది. ఎవరైనా ఆవలించేటప్పుడు మనం చూసినా కూడా మనకు ఆవలింత వస్తూ ఉంటాయి. వాటి గురించి మాట్లాడినా , ఆలోచించినా కూడా చాలా మందికి ఆవలింతలు వస్తూ ఉంటాయి. ఇంకో చిన్న విషయం ఏమిటంటే మనల్ని ఎవరైనా గమనిస్తున్నారు అని మీకు అనుమానం వస్తే వారిని చూసి ఒక్కసారిగా ఆవలించండి. అప్పుడు మీకే అర్థమవుతుంది. వాళ్ళు మిమ్మల్ని గమనిస్తున్నారా లేదా అనే విషయం.

ఏ కాలంలో అయినా వాతావరణం తో సంబంధం లేకుండా దోమలు మనల్ని ఇబ్బంది పెడుతూ నే ఉంటాయి. చాలా రోగాలు కలగచేస్తూనే ఉంటాయి.అలాంటి దోమల గురించి ఆసక్తి కలిగించే విషయాలు చాలా ఉన్నాయి. దోమలు 3500 పైగా జాతులు ఉన్నాయి. ఆడ దోమలు మాత్రమే రక్తాన్ని పీల్చి బ్రతుకుతాయి.ఎందుకంటే అవి గుడ్లు పెట్టి వాటి సంతానాన్ని అభివృద్ధి చెయ్యడానికి రక్తంలో ఉండే ప్రోటీన్ అవసరం. మగ దోమలు ఆకులలో ఉండే పసరు లేదా కాండం లో ఉండే పసరు మాత్రమే పీల్చి బ్రతుకుతాయి. దోమలు ఎక్కువ ఎత్తుకు ఎగరలేవు.ఎక్కువ దూరం ప్రయాణించలేవు. మగ దోమల కంటే ఆడ దోమలు ఎక్కువ కాలం బ్రతుకుతాయి. మనం విడుదల చేసే కార్బన్ డై ఆక్సైడ్ వలన 50 అడుగుల దూరం లో ఉన్నా అవి మనల్ని గుర్తించగలవు. దోమలు లేత రంగుల కంటే ముదురు రంగులను ఎక్కువ ఇష్టపడతాయి. మన శరీరంలో ఎక్కువ వేడి ఉన్నా కూడా దోమలు ఎక్కువగా కుడతాయి.శరీరంలో ఎక్కువ వేడి ఉన్న వారి తలపై దోమలు ఎక్కువగా ఎగరడం మనం చూస్తూనే ఉంటాం.